21 oktyabr 2010 13:31
Rahid Əmirquliyev komandasının tarixinə düşdü
Azərbaycan Premyer-liqasının 9-cu turu Azərbaycan milli komandasının futbolçusu Rahid Əmirquliyev üçün əlamətdar olub. Azerisport.az "Xəzər-Lənkəran" klubunun rəsmi saytına istinadən xəbər verir ki, gənc yarımmüdafiəçi karyerasında ilk dəfə komandanın kapitanı kimi meydana çıxıb. O, XL-ın tarixində kapitan sarğısı ilə meydana çıxan 16-cı futbolçu kimi düşüb.
Buna əsas kapitan – qapıçı Kamran Ağayevin AFFA İntizam Komitəsi tərəfindən cəzalandırılması səbəb olub. Məhz onun yoxluğunda məsuliyyət Rahidə tapşırılıb. Qeyd edək ki, XL-ın tarixində (bütün rəsmi yarışlar) 235 oyun olsa da bunların biri baş tutmayıb və komandaya "Şəfa" ilə matçda (2004/05 mövsümü) texniki qələbə verilib. Digər 234 qarşılaşmada isə ən çox kapitan sarğısını daşıyan Mahmud Qurbanov olub.
XL-ın kapitanları:
1 Mahmud Qurbanov 59
2 Kamran Ağayev 46
3 Emin Quliyev 25
4 Samir Əliyev 24
5 Zaur Ramazanov 23
6 Dmitri Kramarenko 19
7 Arif Əsədov 14
8 Elmar Baxşıyev 10
9 Bəxtiyar Musayev 4
10-12 Alim Qurbanov 2
Füzuli Məmmədov 2
Junior Osvaldo 2
13-16 Aleksandr Martyoşkin 1
Ədəhim Niftəliyev 1
Rəşad Abdullayev 1
Rahid Əmirqulıiyev 1
