Rəşad Sadıqovun komandası ikinci qələbəsini qazandı (YENİLƏNDİ)

Milli komandamızın kapitanı Rəşad Sadıqovun çıxış etdiyi Türkiyənin Eskişehirspor klubu bu gün ölkə çempionatı çərçivəsində növbəti oyuna çıxıb. Azerisport.az xəbər verir ki, həmyerlimizin klubu IX turun açılışı matçında səfərdə Karabüksporun qonağı olub.
Qarşılaşma Bakı vaxtı ilə saat 22:00-da start götürüb. Ötən tur olduğu kimi Sadıqovun bu dəfə də Eskişehirsporun start heyətində meydana çıxıb.
8 turdan sonra Eskişehirspor 6 xalla 15-ci pillədə qərarlaşdığı halda, Karabükspor 14 xalla beşincidir.

 

Karabükspor - Eskişehirspor 1:2

Eskişehirspor: İvesa, Coşkun, Nadareviç, RƏŞAD SADIQOV, Yaman, Zengin, Kaya, Ertoğrul, Öztürk, Sari, Karadeniz

 

3-cü dəqiqə. Rəşad Sadıqov sarı vərəqə ilə cəzalandırıldı

11-ci dəqiqə. Rəşadın komandası hesabı açdı. Coşkun fərqləndi.

39-cu dəqiqə. Həmyerlimizin komandası ikinci qolu rəqib qapısından keçirdi. Karadeniz ikinci qolu adına yazdırdı.

52-ci dəqiqədə meydan sahibləri Emenike ilə hesab arasındakı fərqi azaldırlar. 
 

Beləliklə, Rəşadın komandası ardıcıl ikinci oyunda qələbə qazandı. Bu qələbə sayəsində Eskişehirspor xallarının sayını 9-a yüksəltdi.