23 oktyabr 2010 21:09
Neftçi liderliyini qoruya bildi (YENİLƏNDİ)
Bu gün keçirilən 3 oyunla Azərbaycan Premyer Liqasında 10-cu tura start verildi. Azerisport.az xəbər verir ki, yarışın lideri "Neftçi" öz meydanında son turların sürpriz komandası olan "Gəncə"-ni qəbul edəcək. Bu görüşdə azarkeşləri gərgin mübarizənin gözlədiyini qeyd etmək olar. "Neftçi" son turda Tovuz səfərindən 1 xalla döndüyü üçün bugünkü qarşılaşmada itirdiyi xalları sığortalamalıdı. Əks halda ağ-qaralar liderliyi əldən verə bilər. "Gəncə" isə səfər sindromundan qurtulmağa çalışacaq. Evdə "İnter" və "Xəzər Lənkəran" kimi iddialıları xalsız qoyan qərb təmsilçisi bu dəfə çempionluq iddiasında olan daha bir rəqibi məyus etməlidir. Lakin "Gəncə"-nin işi heç də asan olmayacaq. Meydan və azarkeş amilindən başqa gəncəlilər həm də aparıcı oyunçularından olan Ramal Hüseynovun da xidmətindən yararlana bilməyəcək.
"Neftçi"-nin xal itirməsini gözləyən "Xəzər Lənkəran" "Turan"-a qalib gələcəyi və paytaxtdan xoş xəbər alacağı halda zirvəyə çıxacaq. Cənub klubu ötən turdakı böyükhesablı yenilginin təsadüf olduğunu sübut etmək üçün mütləq qələbə qazanmalıdır. "Turan" isə əksinə Neftçinin ardınca daha bir iddialı kollktivə badalaq vurmağa çalışacaq.
Turun açılış matçında isə son turlar uğurlu nəticə qazanan iki kollektiv - "Qəbələ" və AZAL qarşılaşacaq. İlk 3 turda xalsız qalan Toni Adamsın yetirmələri sonradan toparlanmağı bacardı. Əyalət təmsilçisi ardıcıl dördüncü oyunda da qələbə qazana bilsə, o zaman rəqibi ilə xal fərqini minimuma endirəcək. AZAL da səfərdən uğurlu nəticə ilə ayrılmaqla "İnter" üzərində böyükhesablı qələbənin təsadüf olmağıdığını isbatlamalıdı.
Turun daha 3 oyunu isə sabah keçiriləcək.
23 oktyabr (şənbə)
15:00 Qəbələ - AZAL - 0:0
17:00 Neftçi - Gəncə - 6:2
17:00 Xəzər Lənkəran - Turan - 2:0
17:00 Neftçi - Gəncə - 6:2
17:00 Xəzər Lənkəran - Turan - 2:0
24 oktyabr (bazar)
13:00 MOİK - Simurq
15:00 Muğan - Qarabağ
18:00 İnter - Bakı
15:00 Muğan - Qarabağ
18:00 İnter - Bakı
