Bahodir NƏSİMOV: Vurulmuş qolların üzərində öz diqqətimi cəmləşdirmirəm

"Neftçi" növbəti qələbə qazandı və bu dəfə daha böyük hesabla.

Bu oyuna biz ciddi hazırlaşırdıq. "Gəncə"-nin "Xəzər-Lənkəran"-la oyununa(4:1) baxdıq və rəqibi yaxşı təhlil etdik. Bütövlükdə uğurlu oyun keçirdik və layiqli qələbə qazandıq.

 

Gəncəlilərin böyük hesablı qələbəsi "Neftçi"-ni qorxuzmadı ki?

Xeyr. Hər şey baş verə bilər. Bu cür nəticə ilə hər bir komanda qarşılaşa bilər. Bizimlə də oyunda rəqib heç də pis futbol göstərməyib. Hətta iki qol da vurub.

 

Buna baxmayaraq, 6:2 – bu hesab komandanızın səylərinin yoxsa rəqibin zəif oyununun nəticəsidir?

Biz öz vəziyyətlərimizdən istifadə edə bildik. Həmçinin rəqib azlıqda qalmışdır və qəribə deyil ki, ona çətin idi. Hücumlarımıza tab getirmək onlarda alınmadı.

 

Siz bu dəfə də meydanı qolsuz tərk etmədiniz.

Bu həm komanda, həm mənim üçün xoşdur. Mpenza mənə əla ötürmə verdi. Baxmayraq ki, özü də bu topu vura bilərdi. Meydanı vurulmuş topla tərk etmə forvard üçün yaxşı bir haldır.

 

Qollarınızı sayırsınız?

Bütövlükdə qollarımın sayından bələdəm, ancaq bunun üzərində öz diqqətimi cəmləşdirmirəm. Hər şey mövsümün sonunda dəqiq bilinəcək.

 

İlk turlarda "Neftçi" bir forvardla oyuna üstün verirdi. Və bu siz olurdunuz. İndi isə Emil Mpenza formasını yığdığına görə sizinlə birgə hücumda çıxış edir.

Mən özüm 4-4-2 taktikasına alışmışam. İrəlidə təkbaşına oynamaq həmişə çətindir. Mənə qarşı personal bir müdafiəçini qoyurlar. Üstə gəl rəqibin bütün müdafiə xəttinin mühasirəsində qalmaq o qədər də xoş deyil.

 

Deməli belçikalı hücumçunun meydanda olması sizi qane edir?

Mpenza meydanda olanda mənə oynamaq daha asandır. Rəqibin müdafiəsinin bir hissəsi istər istəməz diqqətini ona da yönəldir. Bu isə mənim manevrlərim üçün daha çox yer verir.

 

Artıq bir turdan sonra çempionatın birinci dövrəsi başa çatacaq. Artıq bu dövrənin nəticələrinə yekun vurmaq vaxtıdır.

Hazırda biz birinci yerdə gedirik və çempion adına ən yaxın komadnayıq. Təbii ki, bu barədə indidən danışmaq tezdir, çünki irəlidə hələ çoxlu sayda oyun var. Amma birinci dövrəni belə uğurlu başa vuracağımız çox vacibdir. Artıq "Bakı" ilə oyuna hazırlaşmağa başlamışıq. Bu rəqibə qarşı görüşdə bizə asan olmayacaq. "Bakı"-nın daha hündür boylu müdafiəçiləri var, bizim hücumçularımıza çətin olacaq.