26 oktyabr 2010 14:08
Qızıl top`un sahibi kim olacaq?
FİFA bu il üçün "Qızıl topa" namizədlərin adını açıqlayıb. Azerisport.az qurumun rəsmi saytına istinadən xəbər verir ki, namizəd siyahısı FİFA-nın ekspertləri və "France Football" dərgisinin jurnalistlərinin rəyi əsasında formalaşdırılıb.
"Qızıl top"-a namizədlərin siyahı: Xabi Alonso, İker Kasilyas, Andres İnyesta, David Vilya, Xavi, Karleş Puyol, Sesk Fabreqas (hamısı İspaniya), Daniel Alves, Juliu Sezar, Maykon (hamısı Braziliya), Miroslav Kloze, Filipp Lam, Tomas Müller, Bastian Şvaynştayger, Məsut Özil (hamısı Almaniya), Aryen Robben, Uesli Sneyder (hər ikisi Hollandiya), Lionel Messi (Arqentina), Kriştiano Ronaldo (Portuqaliya), Samuel Eto'O (Kamerun), Didye Droqba (Kot-d`İvuar), Dieqo Forlan (Uruqvay), Asamoa Qyan (Qana).
Həmçinin FİFA ilin ən yaxşı baş məşqçisi adına namizədləri də müəyyənləşdirib. Bunlar Karlo Ançelotti ("Chelsea"), Visente del Boske (İspaniya yığması), ser Aleks Ferqüson ("Manchester United"), Xosep Qvardiola ("Barcelona") Yoahim Löv (Almaniya millisi), Joze Mourinyo ("Real"), Oskar Tabares (Uruqvay millisi), Lui van Qall ("Bayern Münch"), Bert van Marveyk (Hollandiya millisi) və Arsen Venqerdir ("Arsenal"). Qaliblərin adları dekabrın 6-da açıqlanacaq. Onların təltifedilmə mərasimi isə gələn il yanvarın 11-də keçiriləcək.
Qeyd edək ki, bu ildən etibarən "France Football"-un müəyyənləşdirilən "Qızıl top"-un sahibi və FİFA-nın versiyasına görə "Ən yaxşı futbolçu" titulları birləşdirilib.
