26 oktyabr 2010 17:49
Neftçi klubu etirazını bildirdi
Bu gün AFFA İntizam Komitəsinin növbəti iclasında "Neftçi"-nin məşqçisi Bəxtiyar Musayevə 5 oyunluq cəza verilməsi ilə bağlı qərar qəbul olunub. Azerisport.azxəbərverirki, buna səbəb kimi oktyabrın 23-də keçirilmiş Premyer-liqanın 10-cu turunun "Neftçi" – "Gəncə" oyununun fasiləsi zamanı Musayevin hakimi təhqir etdiyi göstərilib.
"Neftçi" PFK olaraq buna etiraz edirik! Bildiririk ki, klubun məşqçisi Bəxtiyar Musayev belə bir hərəkətə yol verməyib. Buna görə də klub tərəfindən AFFA-nın Apellyasiya və Ekspert Komitəsində qərara bir daha baxılmasına görə müraciət olunub", - klubun rəsmi saytında bildirilir.
"Ümumiyyətlə, "Gəncə" ilə görüşdə mənim baş hakim Elçin Məmmədovla heç bir söz duelim olmayıb. Təbii ki, belə olan halda mənim onu təhqir etməyim də mümkün deyil. Nədən mənim haqqımda belə qərar çıxarıldığını hələ də anlaya bilmirəm. Futbolçuluq dönəmində də hakimləri təhqir etməmişəm" – deyə Bəxtiyar Musayev dedi.
Mənbə: "Neftçi"-nin rəsmi saytı
