26 oktyabr 2010 12:31
XL-ın daha bir yubileyi
Azərbaycan Premyer-liqasının 10-cu turunda "Turan"-la qarşılaşan "Xəzər-Lənkəran" üçün 2:0 hesablı qələbə yubileylə əlamətdar olub. Azerisport.az klubun rəsmi saytına istinadən xəbər verir ki, bu matçda qazanılan qələbə digərləri ilə müqayisədə xüsusi çəkiyə malikdir. Söhbət uğurun yubiley ilə əlamətdar olmasından gedir. XL indiyədək Premyer-liqada 99 dəfə qalib gəlmişdi ki, "Turan"-la matçda qazanılan 3 xal çempionatdakı 100-cü qalibiyyət oldu. Komanda bu yubileyi 3 tur idi gözləyirdi. "Bakı" ilə (1:1) 8-ci turun Lənkəranda və "Gəncə" ilə (1:4) 9-cu turun səfərdəki matçlarında 100-cü qələbə arzusu təxirə salınırdı. Bu dəfə isə yubileyə mane olan tapılmadı.
Altı ildir yaranan komandanın tarixinin ilk qələbəsini 2004-cü ildə qazanıb. 2004/05 mövsümünün 2-ci turunun avqustun 12-də keçirilən görüşdə komanda gücünü "Şəfa"-ya göstəriblər – 2:1.
50-ci yubiley qələbəsi isə 2006/07 mövsümünün son turuna, çempionluğumuzun rəsmiləşdiyi qarşılaşmaya təsadüf edib. 2007-ci il mayın 23-də Qəbələdə "Gilan"-ı 3:0 hesabı ilə məğlub edən "Xəzər-Lənkəran" həm çempionluğu əldə etmiş, həm də 50-ci dəfə 3 xalı qazanan tərəf olmuşdu.
|
Mövsüm
|
Turnir
|
Oyun
|
Qələbə
|
|
2004/05
|
Çempionat
|
35
|
24
|
|
2005/06
|
Çempionat
|
26
|
9
|
|
2006/07
|
Çempionat
|
24
|
17
|
|
2007/08
|
Çempionat
|
26
|
14
|
|
2008/09
|
Çempionat
|
26
|
15
|
|
2009/10
|
Çempionat - I mərhələ
|
22
|
12
|
|
|
Çempionat – II mərhələ
|
10
|
3
|
|
2010/11
|
Çempionat
|
10
|
3
|
|
|
Yekun
|
179
|
100
|
Qeyd edək ki, 2004/05 mövsümündə "Şəfa"ilə çempionatın ikinci dövrəsinə təsadüf edən texniki qələbə (3:0) oyun və qələbə sayında əks olunub. 2009/10 mövsümü iki mərhələdən ibarət olub. İlk mərhələdən sonra 12 klub iki altılığa bölünüb. Onlar birinci mərhələdə toplanılan xalla saxlanmaqla mübarizə aparıb.
