Ruslan ABIŞOV: Neftçi geriyə baxmamalıdı

Qarşıda "Bakı" ilə oyun var. Bu görüşdən nəyi gözləyirsiniz?

İlk növbədə standart sözlərdən başlayaraq, qeyd edə bilərəm ki, bu oyuna digər görüşlərə olduğu kimi hazırlaşırıq. Rəqib heç də yaxşı günlərini yaşamır. Amma düşünmürəm ki, bu rəqibə bizə qarşı tam gücü ilə oynamasına maneçilik törədəcək.  Bu həmçinin bizi də sakitləşdirməməlidir.

 

Yaralı rəqibə qarşı necə oynamaq niyyətindəsiniz?

Hər bir komandada çətin anlar ola bilər. Gec-tez bu problemlər komanda üçün bitəcək. Bu oyuna biz ikiqat hazır olmalıyıq. Rahatlansaq bu bizə baha başa gələ bilər. Lakin belə rəqiblərlə oyunda hər şey mümkündür. Amma "Bakı"-ya məğlub olmaq barəsində fikirləri heç yaxına da buraxmaq istəmirik. "Bakı"-nı məğlub etməliyik.

 

Həmçinin qələbə qazanmağa sizi digər bir fakt da vadar edir: mövsümün əvvəlindən "Xəzər-Lənkəran" sizi addım-addım izləyir.

Kim bizi izlədiyini fərqi yoxdur. Hər oyunda qələbə qazanmalıyıq. Birinci pilləni mövsümün sonuna kimi saxlamaq istərdik. Belə baxanda, XL, "İnter" yoxsa hansısa bir başqa komanda ikinci yeri tutur – bunun fərqi yoxdur. Biz hər oyunlarda qalib gəlməliyik və geriyə baxmamalıyıq.

 

"Gəncə"-yə qarşı son oyunda siz meydana kapitan sarğısı ilə çıxdınız...

Bu "Neftçi"-də olan ilk təcrübəm deyil. Ötən mövsümdə də kapitan sarğısını taxmışam. Bu faktı sakitcə qəbul edirəm, çünki artıq beş ildir ki bu komandada çıxış edirəm və "Neftçi" uşaq komandasının yetirməsiyəm.

 

Bu məhsuliyyəti artırır?

Əvvəlcə qeyd edim ki, Rail Məlikovun qayıdışından sonra sarğı yenidən ona qayıdacaq. Sözsüz ki, özümü daha da məhsuliyyəti aparmalıyam. Və təkcə meydanda yox. Amma mən buna alışmışam. Uşaq komandalarda və müxtəlif yaşlı yığmaların heyətində mənə tez-tez kapitan sarğısını etibar edirdilər.

 

Hakimlər tərəfindən münasibət dəyişir?

O qədər də yox. Hakimlərimiz bütün futbolçularımızı çox yaxşı bilir.