Rəşad ABDULLAYEV: İkinci dövrənin başlanğıcı bizim üçün çox çətin alınacaq

Birinci dövrənin son oyunu barəsində nə deyə bilərsiz?

Hələ oyuna qədər bilirdik ki, çətin olacaq. "Bakı" vəziyyətindən və turnir cədvəlindəki yerindən asılı olmayaraq hər zaman toplanıb döyüş verməyə hazırdır. Onların heyətləri çox güclüdü. Lakin bütövlükdə biz daha yaxşı oynadıq və layiqli qələbəni əldə etdi.

 

İlk yarıda "Neftçi" özünə heç oxşamırdı.

Bəli, birinci hissədə bizdə çox şey alınmırdı. Ola bilsin ona görə ki rəqib bəzi məqamlarda bizdən üstün idi.

 

Fasilədən sonra nəyi dəyişə bildiniz?

Sadəcə olaraq ikinci hissənin əvvəlində vurulan birinci qoldan sonra hər şeyi bizim xeyirimizə dəyişdirməyə çox kömək etdi. Bundan sonra "Neftçi" meydanda istədiyini edirdi.

 

Birinci dövrə arxada qaldı və "Neftçi" liderdi.

Əlbətdə ki bu bizim üçün çox vacibdir. Lakin əsas odur ki bu birinci pilləni mövsümün sonuna kimi qoruyub saxlaya bilək. Hələ ki biz ən yaxşı komandayıq. "Xəzər-Lənkəran" "Qarabağ"-ı məğlub edərək, birgünlük lider ola bildi. Bu da öz növbəsində bizə "Bakı"  ilə oyundan öncə əlavə motivasiya verdi.

 

Sizcə XL-dən başqa "Neftçi"-nin çempionluq uğrunda rəqibi kim olacaq?

Mən yalnız bizi və lənkəranlıları qeyd etməzdim. Ola bilsin ki, son turlarda məhz biz rəqabət aparacayıq. Hazırda bizim kifayət qədər rəqibimiz var. Hər bir komandanı saymaq lazımdır.

 

Artıq gələn həftə ikinci dövrə başlayacaq.

Bizim üçün ikinci dövrənin başlanğıcı çox çətin alınacaq. Güclü rəqiblərlə dalbadal qarşılaşacayıq. Hava şəraiti də pisləşir, bu isə öz növbəsində qazonların keyfiyyətinə təsir edəcək – bu bizim məqsədimizi daha da çətinləşdirir. Əgər bu ili biz ağır itkisiz keçə bilsək, o zaman "altılığda" işlərimiz daha yaxşı gedəcək.

 

Qeyd etmək lazımdır ki, "Neftçi" hücumda özünü daha rahat hiss edir...

Mən də belə düşünürəm. Bizim hazırki oyun üslubumuz hücum etməyimizə imkan verir və biz bundan daha çox istifadə etməliyik. Öz qapımız qarşısında oturaraq, heçnəyə nail ola bilməyəcəyik. Məhz buna görə əsas vaxtı hücumda keçiririk. Çünki hücumda bizdə hər şey daha effektli alınır.

 

Bu cür oyun üslubu ustalıqdan başqa digər keyfiyyətləri də tələb edir.

Təbii. Əgər fiziki cəhətdən biz hazır olmasaydıq, çətin ki nəsə alınardı. Buna sübut kimi sadəcə vurulan qolların sayına baxmaq lazımdı. Bizdən çox qol vuran yoxdur.