Futbol oyunu zamanı bütün komandanın heyəti güllələnib (FOTO)

Hondurasda dəhşətli qətl hadisəsi baş verib. Azerisport.az Rusiya mətbuatına istinadənxəbər verir ki, futbol matçının getdiyi vaxt bir qrup silahlı şəxs soyuqqanlılıqla meydanda olan futbolçuları güllələməyə başlayıb. Hadisə zamanı meydanda olan həvəskar futbolçuların hamısı hadisə yerindəcə keçinib. Onlar 14 nəfərdir. Polis bildirir ki, futbol matçının keçirildiyi meydançaya 2 avtomobildə gələn şəxslər heç nə olmayıbmış kimi, futbolçuları gülləbaran edib. Onların "Mara 18" adlı qruplaşmanın üzvləri olduğu güman edilir.

Hadisə nəticəsində 8 azarkeş də yaralanıb və onlar xəstəxanadadır. Polis bunun iki cinayətkar qrupun mübahisəsinin nəticəsi ola biləcəyini düşünür. Öldürülmüş insanlar arasında 1 nəfərin cinayətkar qrup üzvü olduğu bildirilir. Ehtimala görə, qətliama da məhz o səbəb olub.
 

Mənbə: Milli.Az