Vaqif CAVADOV: Bu vəziyyətdən çıxmaq üçün bizə qələbə lazımdır

"Neftçi" ilə oyun "Bakı" üçün ardıcıl üçüncü məğlubiyyət oldu. Komanda ilə nə baş verir?

Əgər bunu özümüz bilsəydik, deyərdik. Bütün ümidlərimiz bu oyunla bağlı idi. Birinci hissədə biz normal görsənirdik. Lakin buraxılan qoldan sonra heçnə alınmırdı. "Neftçi" müdafiəyə oturdu və bizi əks-hücumlarda tutdu. Bizdə sadəcə olaraq heçnə alınmırdı. Sanki bütün futbolçular qara zolaq üzərindədi.

 

Lakin qola qədər də "Bakı" bir dəfə də olsun təhlükəli məqam yaradmayıb.

Oyun gərgin idi buna görə də hər iki komanda cərimə meydançasına çata bilmirdi. Müdafiəçilər yaxşı oynayırdı. Əsas mübarizə meydanın mərkəzində keçirdi.

 

Komandanın əsas problemini nədə görürsünüz?

Bu barədə yalnız məşqçi danışa bilər. Mən futbolçuyam və onun dediklərini etməliyəm.

 

Siz hesab edirsiniz ki, Şeferin ümidlərini doğruldursuz?

Bəziləri deyirik mən klubda və millidə fərqli oyun göstərirəm. Amma mən klubda da maksimuma oynamaq çalışıram. Başa düşürəm ki, hələ öz optimal formamı yığmamışa, lakin məğlubiyyətdə yalnız mənim günahım deyil. Bununla belə, dərk edirəm ki, mənim üzərimə böyük diqqət yönəlib.

 

Bəs haçan biz əvvəlki Vaqifi görəcəyik?

Öz üzərimdə işləyirəm. Maksimuma oynamağa çalışıram. Sadəcə bu həmişə alınmır.

 

Bu yaxınlarda mətbuatda məlumat yayıldı ki, klubun iclasında siz tənqidə və hətta pul cəriməsinə məruz qalan futbolçulardan biriydiniz?

Bu barədə sizdən eşidirəm, buna görə də bunu şərh edə bilmərəm.

 

İkinci dövrədə "Bakı"-dan nə gözləyək?

Qısa müddət ərzində özümüzə gəlməliyik. Sanki bizə göz dəyib. Vəziyyətdən çıxmaq üçün bizə bir qələbə lazımdır.

 

Hazırda "Bakı" liderdən 14 xal geridə qalır. Demək olarmı ki, sizinz üçün çempionluq artıq itirilib?

Əsas odur ki, ilk "altılığa" düşək sonradan isə görərik nə baş verəcək. Komanda hələ ki formasını yığmayıb. Lakin ikinci dövrədə hər şey dəyişilməlidi.