Fərhad VƏLIYEV: İndi bu barədə danışmağın nə faydası var?

Üç yarım il ərzində ilk dəfə idi ki "Qarabağ" öz meydanında "Xəzər-Lənkəran"-a məğlub oldu. Hansı hisslər keçirirsən?

Məğlub olacağımızı gözləmirdim. Ümumiyyətlə qarşılaşma heç-heçəyə gedirdi, əsas oyun mərkəzdə keçirdi. Qapılar qarşısında çox az təhlükə yaranırdı. Son dəqiqələrdə rəqib müdafiə olunurdu. Lakin hesab edirəm ki, biz heç olmasa bir xala layiq idik.

 

Arbanası qolu zamanı siz işarə edirdiniz ki, top qapı xəttini keçməmişdi.

Mən sadəcə topun xətti keçməyini görmədim. Oyundan sonra mənə dedilər ki, orada hər şey təmiz idi. Hətta təmiz olmasa belə, indi bu barədə danışmağın nə faydası var?

 

Cavab qolu vurmağa da "Qarabağ"-ın vaxtı çatmadı?

Hücumlarımız alınmırdı. Forvardlar çalışırdı, lakin nəticəsiz. Düşünürəm ki, hücum o qədər də yaxşı durumda deyil idi. Daha yaxşı oynamaq lazımdır – bu hər birimizə aiddir.

 

Matçdan sonra Qurban Qurbanov Vüqar Nadirovu tənqid etdi.

Komanda məğlub olanda, deməli hamımız günahkarıq. Bizim hər birimiz səhvə yol verdi, məhz buna görə də məğlub olduq.

 

Ümumiyyətlə "Qarabağ"-la nə baş verir?

Ümumiyyətlə bizim futbolçularımız çatışmır. Meydanda həm Əfran İsmayılovun, həm Maksim Medvedevin yeri görünür. Onlar bir birini yaxşı başa düşür. Buna görə də onlar bu görüşdə iştirak etsəydi, "Qarabağ" məğlub olmazdı.

 

Bu görüş həmçinin Azərbaycan yığmasının iki qapıçısı – sizin və Kamran Ağayevin qarşıdurması da oldu. Belə çıxırki, qələbə Kamranın oldu?

Qalib onun komandası oldu və bununla bağlı Kamranı oyundan dərhal sonra təbrik etdim. Meydandan kənar biz dostuq.

 

XL ilə oyundan sonra Qurban Qurbanov nə dedi?

O dedi ki, bu sayda səhv bir oyun ərzində buraxmamaq olmaz. Buna görə də özümüzə gəlməliyik. Qurbanov qeyd etdi ki, qarşıdaki oyunlarda belə nöqsanlar təkrarlanmamalıdı. Bizim başqa çıxış yolumuz yoxdur – hazırda olan heyətlə qələbə qazanmalıyıq.