5 noyabr 2010 12:15
Qiorqi Adamiya: İnanmıram ki, MOİK bizə asanca üç xal versin
Azərbaycanın "Qarabağ" klubunun yarımmüdafiəçisi Qiorqi Adamiya ölkə çempionatının 12-ci turu çərçivəsində MOİK-lə keçiriləcək oyun barəsində azerisport.az saytına öz fikirlərini bildirdi.
"Əgər yadınızdadırsa birinci dövrədə bu komandanı minimal hesabla məğlub etmışdik. Özüdə qələbə qolunu son dəqiqələrdə vurduq. Buna görə də rahatlaşmırıq, oyun hazırlaşırıq. Rəqibin gücündən düşünmürəm. Bu oyunda hər şey ola bilər. Ola bilsin ki bizdə ümumiyyətlə heçnə alınmasın", - Adamiya dedi.
Futbolçunun sözlərinə görə, o inanmır ki, rəqbi asanca üç xal versin: "Əminəm ki, MOİK sona qədər mübarizə aparacaq. Heç kəs indidən deyə bilməz ki, oyun necə başa çatacaq. Futbolda belə çox olub ki, aşkar zəif komanda daha güclü rəqibi məğlub edib. Bunun təkrarlanmasının istəməzdim".
