7 noyabr 2010 00:02
Cokiça Haciyevski: Biz autsayder kimi oynamırıq
Azərbaycan Premyer-liqasının 12-ci turunda AZAL Zaqatalanın "Simurq" komandasının qonağı oldu. Azerisport.az PFL-ın rəsmi saytına istinadən xəbər verir ki, "Şəfa" stadionunda keçirilən oyunda paytaxt təmsilçisi 1:0 hesabı ilə qalib gəldi.
"AZAL klubunu qələbə münasibəti ilə təbrik edirəm. Var gücümüzlə oynadıq, təəssüf ki, turnir cədvəlində axırdan ikinci yerdəyik. Biz autsayder kimi oynamırıq. Ortabab komandalar kimi oyun göstəririk. Futbolçularımızın təcrübəsi çatışmır, AZAL daha çox qol vura bilərdi. Axıra kimi mübarizə apardıq. Əsas rəqiblərimizlə oyunlarda xal ehtiyatını artırmağa çalışacağıq. AZAL-a uğurlar arzu edirəm", - "Simurq"-un baş məşqçisi Cokiça Hadciyevskidedi.
"Simurq"-la oyunun çətin olacağını bilirdik. "Simurq"-un turnir cədvəlinin aşağı pillələrində yer almasına baxmayaraq, gərgin mübarizə gedəcəyini bilirdik, həm də komandanın təcrübəli baş məşqçisi var. Komandama qalib gəldikləri üçün təşəkkür edirəm. Əsas hədəfimiz qələbə idi. "Simurq"-a uğurlar arzu edirəm", - AZAL-ın çalışdırıcısı Nazim Süleymanovbildirdi.
