7 noyabr 2010 00:05
Almir Hurtiç: Müdafiə futbolu oynayan komandalarla oyunumuz alınmır
Azərbaycan çempionatının 12-cu turunda "Muğan" doğma meydanda "Turan" klubunu qəbul etdi. Azerisport.az PFL-ın rəsmi saytına istinadən xəbər verir ki, qarşılıqlı hücumlar şəraitində keçən oyun qolsuz heç-heçə ilə başa çatdı - 0:0.
"Bu gün iki müxtəlif oyun üslubu olan komandalar qarşılaşdı. "Muğan" daha çox güc futboluna üstünlük verir. Bizim komanda isə gənc və texnikalı futbolçulardan təşkil olunub. Buna baxmayarq hər iki komanda sonadək mübarizə apardı, azarkeşlər gözəl oyun izlədi. Hakimlərə uğurlar arzu edirəm, oyundan oyuna daha da yaxşı idarə edirlər", - "Turan"-nın baş məşqçisi Revaz Dzodzuaşvili dedi.
"Bu nəticə ilə "Turan"-ı təbrik edirəm. Fikrimcə, biz bu oyunda qalib gəlməli idik. Müdafiə futbolu oynayan komandalarla oyunumuz alınmır. Oyunun taleyini tək qol da həll edə bilərdi. Təəssüf ki, fərqlənə bilmədik", - "Muğan"-nın çalışdırıcısı Almir Hurtiç bildirdi.
