8 noyabr 2010 15:54
"Nəyə görə biz azərbaycanlılardan imtina etməliyik?"
Azərbaycanlı futbol mütəxəssisi Tərlan Əhmədov yerli və əcnəbi məşqçilərlə bağlı azerisport.az saytına öz münasibətini bildirdi.
"Biz axı nə edə bilərik ki, klub başçıları əcnəbi məşqçilərə üstünlük verir? Bəlkə elə oldu ki, məhz bu məşqçilər bizə nəsə versin. Lakin mənim fikrimcə, yerli mütəxəssislər futbolumuza daha çox töhfə verir. Siz baxın görün Arif Əsədovun başçılığı altında "Neftçi" necə oynayır. Qurban Qurbanovun "Qarabağ"-ı avrokuboklarda nələr edir. Ramiz Məmmədov "Qəbələ"-ni çalışdıranda komanda ildən ilə daha yaxşı oynayırdı", - Əhmədov dedi.
Onun sözləinə görə, yerli mütəxəssislər azərbaycanlı futbolçuların psixiloqiyasını daha yaxşı anlayır: "Misal üçün Elvin Əliyevi götürək. Görün o AZAL-da necədə uğurlu çıxış edir. Amma bu futbolçu Vinfrid Şeferə lazım olmadı. İndi baxıb deyin turnir cədvəlində AZAL harada, "Bakı" harada. Bəxtiyar Sultanov perspektivli futbolçu sayılırdı, indi isə ehtiyata oturur. Mən legionerlərin əleyhinə deyiləm. Onlarda bizim futbolumuza lazımdır, onlarında faydası var. Lakin nəticəni verən yerlilərdisə, nəyə görə biz onlardan imtina etməliyik? Nəyə görə bizə əcnəbi məşqçi lazımdır əgər o heyətindəki 10-11 legionerlə nəticə göstərə bilmir?".
