8 noyabr 2010 17:31
Rəşad Sadıqov bir ay futbolsuz qalacaq
Azərbaycan yığmasının müdafiəçisi Rəşad Sadıqov təəssüf ki milliyə noyabrın 17-də Çernoqoriya ilə keçiriləcək oyunda kömək edə bilməyəcək. Azerisport.az xəbər verir ki, bir neçə dəqiqə bundan əvvəl 28-yaşlı müdafiəçi tibbi müayinədən keçdi və həkimlərin rəyinə görə, futboçunun diz bağlarının nahiyəsində zədələnmə var.
Bu səbədən Sadıqov dörd həftəyə yaxın müddət futboldan kənar olacaq. Futbolçunun sözlərinə görə, dizində ağrılar hiss edir. "Müayinədən sonraki xəbər əhvalımı korladı. Təəssüf ki, ən azı üç həftə oynaya bilməyəcəm. Yalnız iki həftə müalicəyə gedəcək. Bundan sonra isə fərdi proqrmala çalışacam. Superliqanın qarşıdaki oyunları buraxmalı olacam".
Qeyd edək ki, bu zədəni Rəşad "Fenerbahçe" ilə oyunda aldı. "Oyunun 25-ci dəqiqəsində mən Semihlə toqquşdum və hətta dizimin xışıltısını da eşitdim. Açığı deyim, bu an çox qorxdum. Axı diz zədəsi həmişə ağır olur. Məni fasilədə əvəzləyə bilərdilər. Lakin mən meydanda qalmaq qərarını verdim, çünki komandanı ağır vəziyyətdə qoymaq istəmirdim. Yaxşı ki, bağlılar salamat qalıb", - millimizin kapitanı dedi.
