Elvin BEÇİRİ: Bütün oyunları bir səviyyədə keçirə bilmərik

XL-ın "Qəbələ"-yə məğlub olacağını demək olar ki heç kəs gözləmirdi.

Axı biz qələbə qazanmaq istəyirdik. Qol vurmaq imkanlarımız var idi, lakin onlardan istifadə etmədik. Bir səhv buraxdıq və nəticədə qapımızda qol gördük. Elə alındı ki, məhz bu qol həlledici oldu. Ancaq bu məğlubiyyətə baxmayaraq, "Qəbələ" ilə oyunu yaddan çıxartmaq lazımdır ki, qarşıdaki oyunlara hazırlaşaq.

 

Amma etiraf etməlisiniz ki, bütövlükdə komanda uğursuz oyun keçirdi.

Bu belədir, o qədər də yaxşı oynamadıq. Digər tərəfdən isə, "Qəbələ"-nin oyununu qeyd etmək lazımdır. İkinci yarıda rəqib müdafiə futboluna üstünlük verdi. Bu da öz növbəsində bizim işimizi çətinləşdirdi.

 

Çətin ki bu mövsümün liderlərindən biri olan komanda üçün yaxşı bəhanə olsun.

Bu bir il ərzində keçirilən çempionatdı. Bütün oyunları bir səviyyədə keçirə bilmərik. Digər tərəfdən qarşımıza heç də zəif olmayan və öz məqsədlərini həyata keçirmək istəyən rəqib var. Biz qarşı bütün komandalar daha diqqətli oynayır.

 

İlk 7 turda lənkəranlılar öz qapılarında bir dəfə də olsun qol görməyib. Lakin sonraki beş oyunda XL hətta altı top buraxdı.

İlk öncə deyim ki, bu qollardan dördünü bizim üçün uğursuz alınan "Gəncə" ilə oyunda buraxdıq. Bunu nəzərə almasaq, cəmi iki top buraxmışıq. Bu isə heç də dəhşətli göstərici deyil. Digər tərəfdən, biz bundan sonra da qol buraxacayıq. Axı futbolda bu təbii prosesdir. Əsas odur ki, müntəzəm olaraq xal toplayaq. Və həmçinin qol buraxılanda müdafiəni günahladırmaq məsləhət görmürəm. Çünki bu halda hamı günahkardı.

 

Yeri gəlmişkən, "Qəbələ" ilə oyunda komandanın hücum xəttində problemlər müşahidə olunurdu.

Bu demək deyil biz bununla barışmalıyıq. Əgər forvardlar qol vura bilmirsə, o zaman yarımmüdafiəçi və müdafiəçilər çalışmalıdır.

 

"Neftçi"-nin isə XL ilə xal fərqi 3 artdı.

"Neftçi" – "İnter" oyunundaki heç-heçə (1:1) bizim xeyirimizə oldu. Əgər "bankirlər" qalib gəlsə idi, biz 3-cü yerə düşəcəydik. Qələbə "Neftçi"-nin olsaydı, o zaman aramızdaki xal fərqi beşə çatacaqdı. Üç xal – kiçik fərqdir. Bizim bir qələbəmiz və rəqibin bir məğlubiyyəti hər şeyi dəyişdirə bilər. Mübarizə davam edir.