Rauf ƏLİYEV: Hər qoldan sonra daha birini vurmaq istəyirəm

Gözlənildiyi kimi "Qarabağ" MOİK üzərində asanlıqla qələbə qazandı. Elə göründü ki, bu qələbəni siz asanlıqla qazandınız.

Ola bilsin ki, autsayderlə oynadığımız üçün belə göründü. Əsəs hədəfimiz qələbə idi. Üç xalı həm MOİK, həm "Xəzər-Lənkəran"-la oyunda da verirlər. Məğlubiyyətdən sonra çox vacibdir ki, tez toparlanaq və ilk görüşdə də qalib gəlmək lazımdır.

 

Demək olarmı ki, "Qarabağ" tam gücü ilə oynamadı?

İlk yarıda komanda bütün gücünü ortaya qoydu. Lakin ikinci yarıda hər şey dəyişdi. Ola bilsin ki, nəticə bizi sakitləşdirdi. Amma artıq başqa oyun idi. Yəgin doğrudan da sakitləşdik.

 

Deməli gücünüzü qarşıdaki dörd oyuna – "Bakı", AZAL, "Neftçi" və "İnter"-lə görüşlər üçün qoruyursuz?

Belə də demək olar. Digər tərəfdən, əgər oyunun taleyi ilk yarıda həll olunubsa nəyə görə son gücümüzü sərf etməliyik? Qarşıda hələ çoxlu oyun var və özümüzü zədədən qorumalıyıq. Onsuzda zədəli futbolçuların sayı çoxdu.

 

"Qarabağ" elə nadir komandalarından biridir ki, Premyer-liqada daha zəif rəqibləri məğlub edirdi, lakin heyətində əksəriyyəti legionerlər olan favoritlərlə oyunda çətinliklərlə üzləşir.

Belə də olur. Bu heçnədən xəbər vermir. Bizim problemlərimiz sirr deyil və hər kəs bizə necə çətin olduğunu bilir. Çoxlu səbəb var.

 

Oyun problemləri?

Bizim öz oyun üslubumuz var. Heyətdə hər dəfə yeni oyunçular peyda olunur. Buna görə də hər dəfə hər şeyi dəyişdirilməli oluruq. Nöqsanlar aşkarlanır. Səhv, qol buraxmağa və məğlub olmağa başlayırıq.

 

Turnir cədvəli baxımından, bu qələbə sizə nə verir?

Liderlər qrupundan geridə qalmamaq çox çətindir. Sabah problemlər geridə qalanda, nə isə dəyişmək çətin olacaq. Əlbətdə, 36-dan 21 xal o qədər də yaxşı variant deyil. Lakin liderlər də xal itkisinə məruz qaldığını nəzərə alsaq bu ən pis variant da deyil.

 

Öz qollarınızı sayırsız?

Əlbətdə. Hər oyunda qol vurmaq istəyirik. Başqalarında mən pis deyiləm ki. Hər qoldan sonra daha birini vurmaq istəyirəm.