Ruslan ABIŞOV: İnanmıram ki, Çernoqoriyada bu cür pis vəziyyətdə olan qazon tapılsın

Çernoqoriya ilə yoldaşlıq görüşünə hazırlıq necə keçir?

Son məşqimizi və nə vəziyyətdə olan meydanda bu təmrinləri etdiyimizi görmüsünüz. Bu cür qazonda məşq etmək çox çətindir. Əlbətdə, buna baxmayaraq, səmərəli məşq etməyə çalışırıq. Əlimizdən gələni edirik.

 

Nəyə görə məşqi Zabrat qəsəbəsinin stadionunda keçirirsiz?

Səhər "Bakı"-nın bazasında məşq edirik, axşamlar isə burada. Çox çətindi. Belə meydanda məşqdən sonra hamımızın ayaqları ağrıyır. Şəxsən mən hesab edirəm ki, milli komandaya bu cür qazonda məşq etməməlidir.

 

Bəlkə sizi Çernoqoriyadaki qarşılaşacağınız şəraitə hazırlşadırırlar?

İnanmıram ki, Çernoqoriyada bu cür pis vəziyyətdə olan qazon tapılsın.

 

Heçnəyə baxamayaraq, komanda ilin son oyununa hazırlığını davam etdirir. Berti Foqts daha çox nəyə əhəmiyyət verir?

Prinsipcə, bu məşq ötən dəfəkilərdən fərqlənmir. Nəzərə alaraq ki bu hazırlıq turlar arası keçirilir, əsasən topla oyun üzərində çalışırıq. Ümid edək ki, son turda heç kəs zədə almayacaq. Bunsuzda xeyli itkilərimiz var. 

 

Futbolçular ilin son oyununa nə dərəcədə ciddi yanaşır? Həmçinin nəzər alsaq ki, bu yoxlama oyunu olacaq.

İnanın ki, bizim üçün rəqibin hansı status daşıdığını fərq etməz. Yaxşı futbol sərgiləyərək, qalib gəlmək istəyirik. Nəzərə alsaq ki rəqib ciddi bir komandadır qalib olmaq arzusu daha da artır. Türkiyə üzərində əldə etdiyimiz qələbədən sonra özümüzə inam artıb.

 

Azərbaycan yığmasının düşərgəsinə bu dəfə "Neftçi"-nin altı futbolçusu cəlb olunub. Klubun "Muğan"-la 13-cü turda keçirəcək oyunun hazırlığına necə təsir edəcək?

Düşünmürəm ki, bu toplanış bizə maneçilik törətsin. Hal hazırda həm yığmada, həm klubda oxşar hazırlıq keçirilir.

 

Bəlkə rəqibin o qədər də güclü olmamasıa görə bu sizi çox narahat etmir?

Kim dedi ki, biz bu klubu asanlıqla məğlub edəcəyik? Bizi ciddi rəqib gözləyir. Həmçinin oyun səfərdə baş tutacaq. Ötən mövsümdə "Muğan"-la görüşlərdə beş xal itirdik. Məncə bu çox şeydən xəbər verir.