12 noyabr 2010 13:51
Foqts Neftçi`nin 4 oyunçusunu `offsayd`da qoydu
Noyabrın 17-də, Bakı vaxtı ilə saat 16:00-da, Podqoritsa şəhərində Çernoqoriya yığması ilə yoldaşlıq oyunu keçirəcək Azərbaycan milli komandasının heyəti açıqlanıb. Azerisport.az xəbər verir ki, baş məşqçi Berti Foqts gözlənildiyi kimi, zədədən əziyyət çəkən və son hazırlıq prosesindən də kənar qalan Rəşad Sadıqov, Branimir Subaşiç, Samir Abasov kimi futbolçulara ümumiyyətlə dəvət göndərməyib.
Digər maraqlı məqam isə Vaqif Cavadov, Fabio Luis Ramim, Araz Abdullayev və Rəşad Sadiqov kimi oyunçuların ehtiyat heyətə salınması və Çernoqoriyaya aparılmamasıdır. Bu mənada “Bakı”nın 3, “Neftçi”nin isə 4 oyunçusu Foqtsun etimadını doğrulda bilməyib.
Almaniyalı mütəxəssisin sərəncamında görmək istədiyi 17 futbolçu isə bunlardır:
Qapıçılar: Kamran Ağayev (XL), Fərhad Vəliyev (Qarabağ), Aqil Məmmədov (Bakı).
Müdafiəçilər: Saşa Yunisoğlu, Nodar Məmmədov (hər ikisi Qəbələ), Vladimir Levin (İnter), Ruslan Abışov (Neftçi), Vurğun Hüseynov (Turan), Elnur Allahverdiyev (XL).
Yarımmüdafiəçilər: Aqil Nəbiyev (AZAL), Rahid Əmirquliyev (XL), Aleksandr Çertoqanov (İnter), Elvin Məmmədov (Qarabağ), Mahir Şükürov (Anji, Rusiya).
Hücumçular: Vüqar Nadirov, Rauf Əliyev (hər ikisi Qarabağ), Fərid Quliyev (Neftçi).
Ehtiyat heyət: Səlahət Ağayev (İnter), Cəmşid Məhərrəmov, Fabio Luis Ramim, Vaqif Cavadov (hamısı Bakı). Ruslan Əmircanov, Amit Quluzadə, Araz Abdullayev, Cavid Hüseynov (hamısı Neftçi). Rəşad Sadiqov (Qarabağ).
