12 noyabr 2010 14:28
Neftçi`nin daha bir futbolçusu Premyer Liqanın ən yaxşısı seçildi
Neftçi`nin yarımmüdafiəçisi Flavinyo ötən ay üçün Premyer Liqanın ən yaxşı oyunçusu seçilib. Azerisport.az xəbər verir ki, Premyer Liqa klublarının baş məşqçiləri və kapitanları, həmçinin idman jurnalistləri arasında aparılan sorğunun nəticəsinə əsasən paytaxt klubunun braziliyalı futbolçusu oktyabr ayının ən yaxşı oyunçusu adına layiq görülüb. Flavinyoya ənənəvi pul mükafatı (1111 AZN) və PFL-in hədiyyəsi təqdim edilib.
Tədbirdə çıxış edən braziliyalı futbolçu bunları bildirib: “Çox xoşbəxtəm ki, oktyabr ayının ən yaxşısı seçilirəm. Mənə səs verən hər bir kəsə təşəkkür edirəm. Belə bir mükafatı qazanmaq mənim üçün şərəfdir. Çalışacağam ki, bu mükafata layiq olan oyun nümayiş etdirim”.
