12 noyabr 2010 22:50
Cavid Hüseynov: Xəzər Lənkəran`a görə, Salyanda 3 xal qazanmalıyıq
Neftçi`nin və millimizin futbolçusu Cavid Hüseynov Muğan`la sabah keçiriləcək səfər qarşılaşmasından öncə fikirlərini bildirib. Azerisport.az xəbər verir ki, gənc oyunçu klubun rəsmi saytına açıqlamasında bunları ifadə edib:
- Muğan`la oyuna da digər komandalara qarşı olduğu kimi hazırlaşırıq. Ötən tur İnter`lə oyunda xal itirmişik. Özünüz də bilirsiz ki, Xəzər Lənkəran`la 3 xal fərqimiz var, buna görə də Salyanda 3 xal qazanmaq bizim üçün çox vacibdir. Düzdür, Muğan ev qarşılaşmalarını yaxşı oynayır və güclü komandalardan da xal almağı bacarır. Bununla belə, nəyin bahasına olursa-olsun qələbə qazanmaqla turnir cədəvəlinin zirvəsindəki yerimizi möhkəmlətmək istəyirik.
- İnter`lə heç-heçənin komandaya hər hansı təsiri oldu?
- Bu futboldu, istənilən nəticəni normal qarşılamaq lazımdır. Heç-heçə bizim üçün pis nəticə deyil. Həmin oyunda məğlub da ola bilərdik, ancaq yaxşı ki, heç olmasa bir xal qazana bildik.
