Qurban QURBANOV: Bu futbolumuzun ağrılı yeridi

Oyunçuların beşi millidə, beşi isə zədəlidir. Bu cür vəziyyət gərginlik yaradır?

Və bu şəraitdə biz "Bakı" ilə oyuna hazırlaşırıq. Millinin oyunçularını gözləyirik. Görək hələ onlarn nə vəziyyətdə olacaq.

 

Bu oyuna 12 oyunçu ilə necə hazırlaşmaq niyyətindəsiniz?

Yaxşı hazırlıq üçün bu kifayət etmir. Komandanın yarısı olmayanda oyunçulara nə isə başa salmaq çətindir. Bu vəziyyətdə nədənsə danışmaq faydasızdır. Ən pisi odur ki, qarşıda bizi güclü rəqib gözləyir.

 

Nəzərə alsaq ki millinin oyunçuları yorğun qayıdacaq "Bakı" ilə oyunda əsas ümidləri kimə bağlayacaqsız?

Bu barədə hələ ki düşünürük. Hər şey millidən qayıdan futbolçuların durumundan asılı olacaq. Əgər hər şey pis olsa, o zaman əsas ümidlərimizi həftə boyu sərəncamımızda olan futbolçulardan istifadə edəcəyik.

 

Təxminən 20 gün əvvəl 2:0 hesabı ilə məğlub etdiyiniz komanda ilə necə oynayacaqsınız?

Birinci dövrədə bu komandaya qarşı yaxşı hazırlıq keçirmək imkanımız oldu. Bu görüşdə hansı nəticə əldə olunacağını qabaqcadan demək çətindir. Biz qələbə də qazana, məğlub ola da bilərik. Baxaq görək oyun necə alınacaq.

 

Bundan sonra hələ AZAL, "Neftçi" və "Inter" ilə oyunlar var.

Çətin görüşlərdi. Həmçinin AZAL ilə oyuna lazım olduğu kimi hazırlaşa bilməyəcəyik. Axı gələn həftə milli komandanın Çernoqoriya ilə görüşü var. Bu müddəti itkisiz keçmək istərdik. Lakin bunu etmək çətin olacaq.

 

Demək olarmı ki, bu oyunlardan sonra "Qarabağ" bu mövsümdə doğrudan nəyə layiq olduğu bilinsin?

Mən belə deməzdim. Bundan sonra da oyunlar olacaq. Qarşıda nə isə dəyişdirmək üçün vaxt və oyunlar olacaq.

 

Bu dəyişikliklər meydanların vəziyyətinə də toxunacaq?

Bu futbolumuzun ağrılı yeridi. Məni və ümumiyyətlə bir çoxlarını onların vəziyyəti razı etmir. Azərbaycan futboluna o qədər pul buraxılır, lakin meydanla bağlı məsələ problemli olaraq qalır.

 

Bəlkə süni örtüklərə keçək?

Xeyr. Mən bu cür qazonların qəti əleyhinəyəm. Əgər biz Avropa ilə rəqabət aparmaq istəyiriksə, deməli təbii qazonlarda oynamaq lazımdır. Onların keyfiyyəti üzərində çalışmaq lazımdır.