13 noyabr 2010 12:41
`Rednikin də mənə səs verməsi böyük xöşbəxtlikdir`
Premyer Liqada oktyabr ayının ən yaxşı futbolçusu seçilən Neftçi`nin braziliyalı yarımmüdafiəçisi Flavinyo tədbir zamanı bir sıra maraqlı məqamlarla bağlı fikirlərini açıqlayıb. Azerisport.az xəbər verir ki, KİV nümayəndələrinin suallarını cavablandırarkən, braziliyalı oyunçu bunları açıqlayıb.
- Oktyabrın ən yaxşı oyunçusu seçiləcəyini gözləyirdinmi?
- Bu, mənim üçün sürpriz oldu. Azərbaycanda çoxlu yaxşı futbolçu var və ən yaxşı olmaq hər kəsin haqqıdır.
- Bəs sən özün ən yaxşı futbolçu kimi seçərdin?
- Bakı klubunun 9 nömrəli futbolçusu Vaqif Cavadova səs verərdim.
- Xəzər Lənkəran`ın baş məşqçisi Mirça Rednik də Flavinyoya səs verib. Bu iki komanda əzəli rəqiblər olduğunu nəzərə alsaq, Mirça Rednikin də sənə səs verməsi haqqında nə deyə bilərsən?
- Futbolda hər şey ola bilər. Xəzər Lənkəran`ın baş məşqçisi Mirça Rednikin də mənə səs verməsi mənim üçün böyük xöşbəxtlikdir. Mənim üçün böyük fərəh hissidir, öz üzərimdə daha çox işləməyə ruhlandırır.
- Azərbaycan milli komandasında oynamaq istərdin?
- Azərbaycana gəldiyim hələ çox qısa zamandır. Tam uyğunlaşmaq lazımdır. Gələcəkdə bəlkə də bu haqda fikirləşə bilərəm, amma indi heç nə deyə bilmərəm.
- Bundan sonra neçə dəfə ayın oyunçusu seçilmək istəyirsən?
- Hər ay ən yaxşı oyunçu seçilmək üçün daha çox çalışacam.
- Aldığın pulu hara xərcləyəcəksən?
- Yəqin ki, Neftçi`dəki dostlarım üçün xərcləyərəm.
- Muğan - Neftçi oyunu ilə bağlı nə fikirləşirsən?
- Muğan yaxşı klubdur. İlk dövrədəki oyunumuz çox çətin oldu. Güclü müdafiələri var. Elə hesab edirəm ki, sabah bizə daha çətin olacaq. Biz oyuna maksimum köklənməliyik. Sabahkı oyun bizim üçün çox vacibdir, mütləq qalib gəlməliyik. Biz var gücümüzlə çalışmalıyıq.
