14 noyabr 2010 13:04
Oğuz Çətin: “İslahatlar Azərbaycana yenildiyimiz üçün atılmış addım deyil”
AÇ-2012-nin seçmə mərhələsi çərçivəsində yığmamızın rəqibi olan Türkiyə millisinin son açıqlanan heyəti hər kəsdə böyük təəccübə səbəb oldu. Azerisport.az xəbər verir ki, belə bir dəyişiklik əslində gözlənilən olsa da, hazırda Quus Hiddinkin açıqladığı heyət böyük müzakirələrə səbəb olub.
Bu arada Türkiyə millisində Hiddinkin əsas yardımçılarından olan Oğuz Çətin qardaş ölkə mətbuatına açıqlamasında son dəyişiklərə münasibətini bildirib. Ay-ulduzlular`ın köməkçi-məşqçisi bu islahatların heç də Azərbaycana yenilgidən irəli gəlmədiyini bəyan edib:
“Avstriya ilə oyunumuza qədər, yəni martın 29-na kimi uzun bir zamanımız var. Bunu dəyərləndirməliyik. Heyətdəki dəyişikliklər Azərbaycana yenildiyimiz üçün atılmış addım deyil. Bu dönəmdə gənc və təcrübəsiz bəzi oyunçulara şans verəcəyik. Baş məşqçimiz onları həm məşq dönəmində, həm də matç içində görmək istəyir. Kənarda qalan hər oyunçumuz da bizim üçün potensial bir namizəddir. Onlar bu dönəmdə dincələcəklər. Öz komandalarında göstərdikləri performansla yenidən millidə oynaya bilərlər. Rəqabət yaradacağıq”.
