14 noyabr 2010 19:08
Mirça Rednik Ndoyeni Lənkərana gətirmək istəyir
Xəzər Lənkəran`ın baş məşqçisi Mirça Rednik Buxarest Dinamo`sunun üzvü Osman Ndoye ilə birbaşa danışıqlara çıxmağa hazırlaşır. Azerisport.az xəbər verir ki, cənubluların təcrübəli çalışdırıcısı bu məqsədlə vətəninə yola düşəcək.
Məhz orda seneqallı orta sahə oyunçusu ilə görüşüb, bu futbolçunu komandasına dəvət etmək istəyən Rednik məsələylə bağlı bunları bildirib:
“Mən bilirəm ki, Ndoyenin Dinamo`da müəyyən problemləri var. Məhz buna görə, onun özüylə şəxsən görüşüb danışmaq fikrim var. Seneqallını komandamda görmək istəyirəm”.
Maraq üçün qeyd edək ki, Seneqal yığmasında 23 oyun keçirən bu futbolçunun 32 yaşı var və böyük təcrübəyə malikdir.
