15 noyabr 2010 14:11
Neftçi`nin oyunçusu: Heç kimə belə zədə almağı arzulamıram
Neftçi`nin gənc futbolçusu Mirhüseyn Seyidov Premyer Liqanın 13-cü turunda Salyanda Muğan`la keçirilmiş oyun haqda fikirlərini bildirib. Azerisport.az xəbər verir ki, orta sahə oyunçusu klubun rəsmi saytına açıqlamasında bunları vurğulayıb:
`Muğan`a qarşı oyunlarımız daima gərgin keçir və bu görüş də istisna olmadı. Rəqibimiz matça yaxşı başladı, ancaq qarşılaşmanın gedişində oyuna nəzarəti ələ alaraq, qələbə qazandıq. Biz matçda daha üstün tərəf idik. Oyunun gedişində Flavinyonun bu cür zədə alacağını gözləmirdik. O, komandamıza çox kömək edir. Ümumiyyətlə, rəqib futbolçular çox kobud oynayırdılar. Meydanda belə sərt mübarizə aparmaq olar, ancaq rəqibi bilərəkdən zədələmək yaxşı hal deyil. Heç kimə belə zədə almağı arzulamıram. Flavinyoya tezliklə zədəsini sağaldaraq, meydana qayıtmağı arzu edirəm`.
