16 noyabr 2010 14:55
“İtkilərimiz çox olsa da, Podqoritsaya qələbə üçün gəlmişik”
Millimizin və Rusiya Premyer Liqasında mübarizə aparan Mahaçqalanın Anji klubunun üzvü Mahir Şükürov sabah keçiriləcək Çernoqoriya ilə oyun haqda fikirlərini bölüşüb. Təcrübəli futbolçumuz Azerisport.az-a verdiyi açıqlamada bunları vurğulayıb:
“Öncə hər kəsi Qurban Bayramı münasibəti ilə təbrik edirəm. Sabahkı oyuna gəlincə, onu deyə bilərəm ki, güclü rəqiblə qarşılaşacağıq. Bizdə zədəli oyunçular var. Hücum xəttində də problemlərimiz davam edir. Bu qədər itki təsadüfi hallarda olur. Ancaq düşünürəm ki, istənilən halda biz rəqibə ciddi müqavimət göstərməyə borcluyuq. Hər halda bura gəlmişiksə, qələbə qazanmağa çalışacağıq”.
