Xəzər Lənkəran Muğan`la oyunun hazırlıqlarına sabahdan başlayacaq

Premyer Liqanın son turunun Simurq`la oyunundan dərhal  sonra Lənkəranı tərk edən Xəzər Lənkəran da hazırda digər elita təmsilçiləri kimi istirahətdədir. Azerisport.az xəbər verir ki, növbəti turda noyabrın 21-də doğma divarlar arasında Muğan`ı qəbul edəcək cənub təmsilçisi həmin oyunun hazırlıqlarına sabahdan başlayacaq.

 

Məhz sabah keçiriləcək Çernoqoriya – Azərbaycan matçında iştirak etmək üçün milliyə dəvət alan Kamran Ağayev, Rahid Əmirquliyev və Elnur Allahverdiyev Xəzər Lənkəran`ın ilk məşqlərinə qatıla bilməyəcək.

 

Bu arada ciddi zədə alan Uinston Parksın səhhətində normallaşma müşahidə olunur və onun yaxın günlərdə komanda ilə birgə məşqlərə başalaycağı bildirilir. David İmedaşvili və Tural Cəlilov isə məqşlərdə artıq ümumi hazırlıqlarda iştirak edəcək səviyyədədirlər və baş məşqçi Mirça Rednikin etimadını qazana bilərlər.