17 noyabr 2010 17:29
Millimizin hücum xəttinə güvənən yoxdu
Çernoqoriya ilə bu gün keçirilən oyunda millimizin üzvlərindən daha çox Kamran Ağayev yadda qalacaq. Azerisport.az saytının oxucuları arasında keçirdiyi “Çernoqoriya ilə oyunda kim yadda qalacaq” sorğusunun nəticələri belə qənaəti üzə çıxarıb.
Sorğuda iştirak edənlərin 43 faizi belə düşünür ki, əsas komandamızın Podqoritsadakı matçının əsas qəhrəmanı məhz Xəzər Lənkəran`ın qapıçısı olacaq. Bu mənada onun ən yaxın izləyicisi isə Ruslan Abışov olub. Respondentlərin 11 faizi də Neftçi`nin müdafiəçisinin daha çox diqqət mərkəzində olacağını qeyd ediblər. Elvin Məmmədov, Vaqif Cavadov və Rauf Əliyev isə orta və ön xətt oyunçuları olmasına baxmayaraq, sadəcə azarkeşlərin 10 faizlik səsini toplaya biib. Bu da çox güman ki, komandamızın üzvlərinə səfər matçında inamın az olmasından irəli gəlir. Maraq üçün qeyd edək ki, səsvermədə Rauf Əliyevlə Vüqar Nadirov da yer almasına rəğmən, onlara daha az inanan olub.
