Turan İnter`lə oyun ərəfəsində bəyanat yaydı

Turan rəhbərliyi klubun rəsmi saytı vasitəsilə bəyanat yayıb. Azerisport.az xəbər verir ki, bəyanatda Premyer Liqanın növbəti turu ərəfəsində yayılan söhbətlərə münasibət bildirilib. Həmin bəyanatı olduğu kimi diqqətinizə çatdırırıq:

 

“Son günlər İnter – Turan oyunu ətrafında süni ajiotaj yaradılıb. Mətbu orqanlarda guya Turan rəhbərliyinin İnter`ə yuxarıdan aşağı baxdığı, gücünü qiymətləndirmədiyi barədə xəbərlər yayılıb. Biz Turan Peşəkar Futbol Klubu olaraq bütün bu informasiyaların əsassız olduğunu, turnir cədvəlindəki mövqeyindən asılı olmayaraq, bütün rəqiblərə hörmətlə yanaşdığımızı bildiririk. İnter son ölkə çempionudur və bu il də eyni titula iddialıdır. Məqsədimiz belə güclü rəqibə qarşı bütün gücümüzü ortaya qoyub, yaxşı nəticə əldə etməkdir. Bütün oyunlarda olduğu kimi İnter`lə matça da səylə hazırlaşacağıq”.

 

Qeyd edək ki, İnter – Turan oyunu sabah saat 16:00-da keçiriləcək.