19 noyabr 2010 18:28
Qazaxıstan Futbol Federasiyasının prezidenti millimizi özləri üçün güclü rəqib sayır
Qazaxıstan Futbol Federasiyasıının prezidenti Adilbek Jaksibekov Azərbaycan millisinin də yer aldığı AÇ-2012-nin seçmə mərhələsinin A qrupunu dəyərlənidirib. Azerisport.az xəbər verir ki, millimizin rəqiblərindən olan Qazaxıstan futbol təsərrüfatının rəhəbəri maraqlı açıqlamalar verib:
“Hətta Azərbaycan da bizim üçün güclü rəqibdir. Bizə çox çətin olacaq. Ancaq bu, püşkdür, belə düşüb. Bizə sadəcə onu başa düşmək lazımdır ki, çox güclü qrupdayıq. Nə Andorra var, Nə Farere adaları, nə də asanlıqla xal ala biləcəyimiz hansısa başqa rəqib”.
QFF prezidenti millimizin rəqibinin yeni baş məşqçisi postuna axtarışları davam etdirdiklərini də bildirib: “Güman etmirəm ki, bizim büdcəmiz şəxsən mənim millinin sükanı arxasında görmək istədiyim mütəxəssisi dəvət etməyimizə imkan versin. Amma bu posta layiqli namizəd tapacağımıza inanıram. Bern Ştork komandamızda əlindən gələn hər şeyi etdi. Lakin onda yeganə çatışmayan şey vardısa, bu da uğur qazana bilməməsiydi”.
