20 noyabr 2010 20:12
Millimizin sabiq üzvü komandasına 3 xal qazandırdı, İlqar Qurbanov yenə oynamadı
Millimizin sabiq üzvləri – İlqar Qurbanov və Ernani Pereyranın şərəfini qoruduğu Mersin İdman Yurdu Türkiyə Bank Asiya birinci liqasında növbəti oyununu keçirib. Azerisport.az xəbər verir ki, səfərdə bu yay Bakı`nın üzvü Rəhman Hacıyevin keçmək istədiyi Altay`ın qonağı olan mersinlilər 2:1 hesablı qələbəyə seviniblər.
Baş məşqçi Nurullah Sağlam son turda olduğu kimi, bu dəfə də İlqara şans tanımayıb. Ernani isə start heyətində meydana çıxıb və sonadək meydanda qalıb.
Matça gəlincə, ilk yarısı qolsuz tamamlanan qarşılaşmanın ikini hissəsində qonaqlar hesabı açmağa nail olub. 58-ci dəqiqədə Erdal Günəş həmyerlilərimizi sevindirib. Mehmet Şen 78-ci dəqiqədə hesabı bərabərləşdirsə də, 90-cı dəqiqədə oyuna sonradan girən Yunus Altun mersinlilərə səfər qələbəsi qazandıran qolun müəllifinə çevrilib.
Bu nəticə sayəsində xallarının sayının 17-yə yüksəldən Mersin İdman Yurdu 8-ci pilləyə yüksəlib.
