21 noyabr 2010 14:38
Neftçi`nin braziliyalı futbolçusu ölkəsinə dönməyə qərar verdi
Premyer Liqanın 13-cü turu çərçivəsində səfərdə Muğan`la görüşün 16-cı dəqiqəsində Neftçi`nin braziliyalı futbolçusu Flavinyo ciddi zədə alaraq meydanı tərk etdi. Azerisport.az xəbər verir ki, sonradan yarımmüdafiəçinin sol ayağında sınıq aşkarlandı.
Həkimlərin rəyinə görə, hazırda ayağı gipsdə olan oyunçunun yalnız qış fasiləsindən sonra yaşıl meydanlara dönəcəyi məlum oldu. Artıq bu gün Flavinyo müalicəsini davam etdirmək məqsədilə öz ölkəsinə yollanıb. Flavinyo vətənində olduğu müddətdə Neftçi PFK-nın tibbi personalı ilə mütəmadi olaraq əlaqəli şəkildə zədəsini müalicə etdirəcək.
