21 noyabr 2010 17:39
“Müdafiədəki boşluqlara səbəb qol vurmaq üçün irəli atılmağımız oldu”
Qarabağ klubunun baş məşqçisi Qurban Qurbanov bu gün Premyer Liqanın 14-cü turu çərçivəsində AZAL ilə səfər oyununda qeydə alınan 0:2 hesablı məğlubiyyətlə bağlı fikirlərini açıqlayıb. Azerisport.az xəbər verir ki, Ağdam klubunun çalışdırıcısı qarşılaşmadan sonrakı mətbuat konfransında bunları söyləyib:
“Nazim müəllimi (AZAL-ın baş məşqçisi Nazim Süleymanov-red.) qələbə münasibəti ilə təbrik edirəm. Çox maraqlı oyun oldu. Qola kimi komandamın oyunu yaxşı idi. Futbolçular düzgün oynamağa çalışdılar, qol epizodları yaratdılar. Qoldan sonra isə meydanda tək AZAL komandası var idi. Bu da başadüşüləndir. Qol vurmaq üçün irəli atıldıq, müdafiədə boşluqlar buraxdıq. Turnir cədvəlindəki ağır vəziyyətə baxmayaraq, sona qədər mübarizə aparacağıq. AZAL komandasını təbrik edirəm. Bu oyunu yaddan çıxarıb, Neftçi ilə oyuna hazırlaşacağıq.
