21 noyabr 2010 19:40
Arif Əsədov: Qəbələ futbolçuları vaxtı çox uzatdılar
Neftçi klubunun baş məşqçisi Arif Əsədov bu gün Premyer Liqanın 14-cü turu çərçivəsində doğma divarlar arasında keçirilən Qəbələ ilə oyun haqda fikirlərini açıqlayıb. Azerisport.az xəbər verir ki, paytaxt klubunun çalışdırıcısı zirvədəkə mövqelərini zəiflədən qolsuz heç-heçə ilə bağlı bunları dilə gətirib:
“Meydançanın vəziyyəti o qədər də yaxşı deyildi. Komandamız texnikalı futbola üstünlük verdiyi üçün meydanda öz oyunumuzu göstərə bilmədik. Qəbələ futbolçuları oyun boyu vaxtı çox uzatdılar. Bugünkü oyunda Flavinyonun olmaması da öz sözünü dedi. Qapalı futbol oynayan komandalara qarşı onun kimi texnikalı futbolçular lazımdır. Bəzi KİV-lərdə hakimlərin Neftçi`yə kömək etdiklərini yazırlar. Lakin Neftçi nə qazanırsa, özü qazanır".
