22 noyabr 2010 00:02
Azarkeşlər Xəzər Lənkəran`ın oyunlarının tez başlamasına etiraz edir
Xəzər Lənkəran azarkeşləri komandalarının oyunlarının tez başlamasından narazıdır. Azerisport.az xəbər verir ki, onlar Premyer Liqa çərçivəsində keçirilən ev oyunlarının bir qədər gec başlamasını istəyirlər.
Məsələ burasındadır ki, matçın hətta 16:00-da təyin olunması da cənublu fanatların ürəyincə deyil. Buna isə hətta şənbə və bazar günlərində də bir sıra azarkeşlərin sevimli komandalarının oyunlarını izləyə bilməməsi səbəb göstərilir. Dövlət müəssisələrində çalışanlar həmin günlərdə rahatca oyunu izləmək imkanından yararlana bilirlər. Amma müəyyən sayda azarkeş kütləsi şənbə və bazar günləri belə işdən yalnız axşam saat 17:00-dan sonra çıxa bilirlər.
Məhz bu üzdən Lənkəran təmsilçisinin azarkeşləri bu haqda klub rəhbərliyinə rəsmi müraciət ünvanlamağa hazırlaşırlar. Onlar rəhbərlikdən Xəzər Lənkəran`ın ev oyunlarının 16:00-dan daha gec başlamasını xahiş edəcəklər.
