23 noyabr 2010 20:39
Xəzər Lənkəran`ın canlı əfsanəsi rəqəmlərdə
Premyer Liqasının 14-cü turu Xəzər Lənkəran üçün yeni rekordla əlamətdar oldu. Azerisport.az xəbər verir ki, cənub təmsilçisinin yarımmüdafiəçisi Alim Qurbanov 156-cı dəfə bu klubun formasında meydana çıxdı. Muğan`la görüşdə 90 dəqiqə əvəzlənmədən meydanda olan 33 yaşlı futbolçu bu göstəricidə Xəzər Lənkəran tarixinin mütləq rekordçusu oldu. Klubun yarandığı 2004-cü ildən Xəzər Lənkəran`ın şərəfini qoruyan Alim bu tura qədər şərik olduğu Rəşad Abdullayevi arxada qoydu.
XL-nın heyətində ən azı 100 oyun keçirənlər
1. Alim Qurbanov 156
2. Rəşad Abdullayev 155
3. Rahid Əmirquliyev 131
4. Radomir Todorov 119
5. Kamran Ağayev 105
Son oyun Qurbanov üçün həm də məhsuldarlıq cəhətdən əlamətdar oldu. 33 yaşlı yarımmüdafiəçi 6 ildir şərəfini qoruduğu klubun heyətində ilk dəfə dubla imza atdı. O, Muğan`la görüşdə 2 qola imza atmaqla son 2 turda vurduğu topların sayını 3-ə çatdırdı. Bu isə Qurbanovun Xəzər Lənkəran`ın tarixi ərzində rəqib qapılarından keçirdiyi qollarının sayını 11-ə çatdırdı. O, bu göstəricidə Allan Lalin və Junior Osvaldoya çatıb.
XL-nın heyətində ən azı 10 qol vuranlar
Zaur Ramazanov 44
Samir Əliyev 34
Mario Souza 26
İvan Tsvetkov 24
Rəşad Abdullayev 18
Vüqar Nadirov 18
Oqtay Dərəlioğlu 18
Rahid Əmirquliyev 17
Edmond N'Tiamoa 13
Emin Quliyev 12
Alim Qurbanov 11
Junior Osvaldo 11
Allan Lalin 11
Klubun formasını hamıdan çox geyən Qurbanov son turda XL-nı həm də 3 illik fasilədən sonra kapitan kimi meydana çıxardı. İndiyədək karyerası boyu 2 dəfə komandasını kapitan kimi meydana çıxaran Qurbanov sonuncu dəfə o imkanı qazandığı 2007-ci il sentyabrın 26-da baş tutan matçdan 1152 gündən sonra yenə kapitan oldu. Həmin iki görüşdə də XL eyni hesablı qələbə qazanıb - 3:1.
XL-nın bütün kapitanları
Mahmud Qurbanov 59
Kamran Ağayev 49
Emin Quliyev 25
Samir Əliyev 24
Zaur Ramazanov 23
Dmitri Kramarenko 19
Arif Əsədov 14
Elmar Baxşıyev 10
Bəxtiyar Musayev 4
Alim Qurbanov 3
Füzuli Məmmədov 2
Junior Osvaldo 2
Aleksandr Martyoşkin 1
Ədəhim Niftəliyev 1
Rəşad Abdullayev 1
Rahid Əmirqulıiyev 1
Xaqani Məmmədov 1
Mənbə: XL-nın rəsmi saytı
