23 noyabr 2010 00:14
“Qarşılığı olmadan oyunçularımızın milli komandalara getməsini istəmirik”
Bayern Münih klubunun prezidenti FIFA`ya bəzi təklif və istəklərdə bulunub. Azerisport.az xəbər verir ki, dünya futbol qurumunu tənqid etməyi də unutmayan Karl-Hayns Rummenigge, xüsusilə milli komandalara gedən oyunçularla bağlı yaranan problemlərin aradan qaldırılmasının vacibliyini dilə gətirib.
Kikker dərgisinə müsahibəsində o bunları vurğulayıb: “FİFA`nın bəzi məsələlərə baxış bucağını dəyişdirməsi lazımdı. Biz artıq oyunçularımızın ildə bir neçə dəfə qarşılığı olmadan milli komandalara getməsini istəmirik. Əgər hər hansı bir çıxış yolu tapılmasa, birinin buna etiraz etməsi lazım gələcək. Necə ki, artıq bu etirazlar getdikcə artmağa başlayır. Etirazlar kütləvi xarakter alsa, o zaman Tanrı FİFA-nı qorusun”.
