24 noyabr 2010 15:18
Azərbaycan İspaniya, İngiltərə və Almaniya ilə qarşılaşa bilər
Noyabrın 30-da İsveçrənin Nyon şəhərində 17 yaşlılardan ibarət yığmalar arasında keçiriləcək Avropa çempionatının 2011/12 mövsümünün püşkatması olacaq. Azerisport.az xəbər verir ki, 2012-ci ildə Sloveniyada keçiriləcək final mərhələsinə vəsiqə qazanmaq uğrunda 52 yığma komanda mübarizə aparacaq.
Artıq həmin komandalar iki səbətə bölünüb.Azərbaycanın U-17 millisi B səbətində yer alıb. Seçmə mərhələnin oyunları 2011-ci ilin payızında keçiriləcək. 52 komanda hər birində 4 iştirakçı olmaqla, 13 qrupa bölünəcək. İlkin mərhələnin oyunları başa çatdıqdan sonra ilk iki pillənin sahibi olan 24 komanda ilə yanaşı, üçüncü pillənin tutan komandalardan ən yaxşı nəticəyə malik 2 milli də elit-raunda vəsiqə qazanacaq. 2012-ci ildə isə elit-raundun oyunları keçiriləcək.
Püşkatma ərəfəsində iştirakçı komandaların səbət bölgüsü belədir:
A: İspaniya, İngiltərə, İsveçrə, Hollandiya, Fransa, Almaniya, Türkiyə, Xorvatiya, Portuqaliya, Çexiya, Serbiya, Yunanıstan, İtaliya, İrlandiya, Avstriya, Belçika, Uels, Rumıniya, Slovakiya, Polşa, Şimali İrlandiya, Şotlandiya, Macarıstan, Norveç, İsveç, Gürcüstan.
B: Finlandiya, Danimarka, İsrail, Lüksemburq, Rusiya, Belarus, Bosniya və Herseqovina, Azərbaycan, Ukrayna, Estoniya, Bolqarıstan, Cənubi Kipr, İslandiya, Moldova, Makedoniya, Маlta, Litva, Аndorra, Lаtviya, Farer adaları, Qazaxıstan, Çernoqoriya, Ermənistan, Albaniya, Lixtenşteyn, San-Marino.
