24 noyabr 2010 18:21
UEFA-nın Bakıda keçirilən seminarı başa çatıb
UEFA-nın Bakıda keçirilən mətbuatla bağlı seminarı bu gün başa çatıb. Azerisport.az xəbər verir ki, tədbirdə AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu geniş məruzə ilə çıxış edib.
O, AFFA-ya aid olan saytların və qəzetin, ümumilikdə, İnformasiya və İctimaiyyətlə əlaqələr Departamentinin fəaliyyətini əks etdirən videoçarxlar nümayiş etdirilib. Seminar iştirakçıları AFFA-nın bu istiqamətdə fəaliyyətini yüksək qiymətləndiriblər.
Məşğələlər başa çatdıqdan sonra qonaqlar AFFA-nın binasına gələrək assosiasiya əməkdaşlarının iş prinsipi, AFFA-nın Futbol muzeyi və Futbol akademiyası ilə tanış olublar.
Qeyd edək ki, seminarda Türkiyə, Qazaxıstan, Özbəkistan, Qırğızıstan, Türkmənistan, və Tacikistan futbol federasiyalarının baş katibləri və mətbuat departamentinin əməkdaşları iştirak edib.
