24 noyabr 2010 00:11
Rəşad Sadıqovun baş məşqçisi özünü Mourinyo ilə müqayisə etdi
Millimizin kapitanı Rəşad Sadıqovun forma geydiyi Türkiyənin Eskişehirspor klubunun baş məşqçisi Bülent Uygun qardaş ölkə mətbuatına müsahibə verib. Azerisport.az xəbər verir ki, o, aldığı 8 oyunluq sərt cəzayla bağlı açıqlamalarda bulunub.
Superliqanın növbəti turu çərçivəsində doğma meydanda qarşılaşacaqları Manisaspor matçının hazırlıqları öncəsində jurnalistlərlə görüşən Uyğun sözügedən cəzaya görə çox üzüldüyünü, amma bunun gördükləri işə o qədər də ciddi təsir göstərməyəcəyini söyləyib: “Mənim içim rahatdı. Aldığım cəzanın mənə bir növ irəlidəki illərdə böyük təcrübə anlamında çox şey qazandırdığını düşünürəm. Ona görə bir çox şeyləri üürəyimdə çəkmək məcburiyyətindəyəm. Amma digər tərəfdən də üzülürəm. Komandamın başında olmaq istərdim”.
Bülənt Uyğun özünü hətta Madrid Real`ının baş məşqçisi Joze Mourinyo ilə də müqayisə edib: “Bu gün Mourinyo da daxil olmaqla, dünyanın bir çox təcrübəli mütəxəssisləri də cəzalana bilir. Burda mühüm olan şey haqlı olmağımdı. Sənəd üzərində haqlı olduğumu gördükdən sonra istədiyi qədər cəza almış olsam da, bunun heç bir önəmi yoxdu. Vicdanım qarşısında da rahatam. Eskişehirspor tərəfdarına, camiəsinə təşəkkür edirəm. Mənim arxamda durmaqla, mənə sahib çıxmaqla çox şeylər bacaracağıq. Bu, Eskişehirspor üçün bir başlangıcdı. 90 dəqiqə boyunca sahə içində olmaqla olmamaq arasında ciddi fərq yoxdu. Onsuz da istədiklərimizi edə bilirik. O üzden orada olub, olmamaq çox önəmli deyil. Bədənimin, ruhumun həmişə onlarla birlikdə olduğunu bildikləri üçün onlar da əllərindən gələnin ən yaxşısını edirlər”.
