24 noyabr 2010 00:36
Del Boske “Qızıl Top”a namizədlərdən kimlərə səs verdiyini öncədən açıqladı
İspaniya millisinin təcrübəli baş məşqçisi Visente del Boske “Qızıl Top”a namizədlər arasında səs verdiyi oyunçuların adlarını açıqlayıb. Azerisport.az xəbər verir ki, bu haqda o, Marca qəzetinə açıqlamasında məlumat yayıb.
Xəbərdə bildirilir ki, ispaniyalı mütəxəssis səsini Lionel Messi, Kristiano Ronaldo və Bastian Şvaynştaygerə verdiyini açıqlayıb. Del Boske həmçinin vurğulayıb ki, sözügedən titulu məhz bu 3 futbolçu haqq edir.
Ən maraqlı məqamlardan biri isə, Del Boskenin vaxtilə çalışdırdığı Madrid Real`ının El Klasiko öncəsi şanslarını dəyərləndirməkdən imtina etməsi olub: “Yığma komandanın baş məşqçisinin bu barədə nəsə danışması düzgün çıxmaz”.
Qeyd edək ki, “Qızıl Top”un sahibləri 2011-ci il yanvarın 10-da açıqlanacaq.
