25 noyabr 2010 15:52
Bakı Xəzər Lənkəran`la oyun ərəfəsində itirə-itirə gedir
Bakı Premyer Liqanın növbəti turu çərçivəsində qarşılaşacağı Xəzər Lənkəran`la oyun ərəfəsində itkilərlə üzləşə bilər. Azerisport.az xəbər verir ki, cənub təmsilçisiylə oyunun hazırlıqlarına start verdikdə yalnız Vaqif Cavadov komandayla məşqlərə qatıla bilmirdisə, hazırda zədəli futbolçuların sayı bir qədər də artıb.
Əldə etdiyimiz məlumata görə, Moldova millisinin də şərəfini qoruyan Vyaçeslav Sofroni də qarşıdakı görüşü buraxacaq. Hazırlıqlarda iştirak etməyən futbolçuya zədəsi mane olur. Onunla yanaşı Rəhman Hacıyev və Hacı Əhmədov da eyni səbəbdən Xəzər Lənkəran`a qarşı forma geyə bilməyəcək.
Qeyd edək ki, MOİK-lə son turun oyununda qırmızı vərəqə alan Əziz Quliyev də Xəzər Lənkəran`la görüşü buraxacaq. Onunla yanaşı, hazırlıq səviyyəsi qənaətbəxş olmayan Vaqif Cavadovun da bu oyunda iştirakı sual altındadır.
