25 noyabr 2010 16:29
Müşfiq Hüseynov: Hansı klub rəhbərliyi bunu edib?
“Qarabağ komandası mənim sözün bütün mənalarında evimdi. Karyeramı bu klubda başlamışam, elə Qarabağ`da da bitirdim. Çox ağır günlərimiz olub. Bəzən aylarla pul üzünə həsrət qalmışıq. Amma şükürlər olsun ki, son 10 ildə Qarabağ ailəsi bir rahatlığa qovuşub. Komandamızın rəhbərliyi elə bir ailə mühiti yaradıb ki, hər kəs özünü çox rahat hiss edir”. Azerisport.az xəbər verir ki, bu sözləri Qarabağ`ın keçmiş futbolçusu, hazırkı məşqçisi Müşfiq Hüseynov söyləyib.
Son dövrlər azarkeşlərin klub rəhbərliyini ciddi tənqid etməsinə münasibət bildirən daha sonra bunları dilə gətirib: “Qarabağ rəhbərliyi daim özü dəyərlərinə sahib çıxır. Mən futbolu bitirən kimi, rəhbərlik məni çölə atmadı. Dərhal işlə təmin olundum, elə karyeralarını Qarabağ`a həsr etmiş Səttar Əliyev, Yaşar Hüseynova da vida mərasimi təşkil edildi, dəyərli hədiyyələr verildi və doğma komandalarında məşqçiliyə başladılar. Bu gün hansı klub rəhbərliyi bunu edib? Ona görə də qarabağlılar bu rəhbərliyinin etdiklərini heç vaxt unuda bilməz”.
