25 noyabr 2010 18:49
Rəşad Abdullayev: Hakim penaltimizi vermədi
Neftçi`nin futbolçusu Rəşad Abdullayev Premyer Liqanın növbəti turunda Qarabağ`la keçiriləcək oyunla bağlı fikirlərini açıqlayıb. Azerisport.az xəbər verir ki, təcrübəli futbolçu klubun rəsmi saytına açıqlamasında bunları bildirib:
“Bizi Qarabağ`la çətin oyun gözləyir. Düzdür, indi çempionatda asan oyun olmur. Amma Ağdam təmsilçisi ilə görüş 6 xallıq oyundur. Çalışacağıq ki, yaxşı hazırlaşıb, istədiyimiz nəticəni əldə edək. Əsas məqsədimiz oyundan qələbə ilə ayrılmaqdır.
Yarımmüdafiəçi ötən tur baş tutmuş Qəbələ ilə oyuna (0:0) da toxunub: “Qəbələ ilə oyunda qol epizodlarından istifadə edə bilmədik. Üstəlik, rəqib müdafiəçi Bahodir Nasimova qarşı kobud oynasa da, hakim penaltini vermədi. Əslində, həmin epizodda penalti epizodu var idi. Çünki Bahodir Qəbələ`nin müdafiəçisinin önündə idi və futbolçumuzu yıxmışdı, amma nədənsə baş hakim penalti təyin etmədi. Videotəkrar vasitəsilə buna bir daha əmin oldum”.
