25 noyabr 2010 21:23
Beşiktaş rəhbərliyindən Şusterə dəstək gəldi
Türkiyənin Beşiktaş klubunun idarə heyəti növbəti iclasını keçirib. Azerisport.az xəbər verir ki, toplantıdan sonra rəhbərlik baş məşqçi Bernd Şusterə olan inamlarının qüvvədə olduğunu bildiriblər.
Rəhbərliyin rəsmi açıqlamasında son dövrlər alınan bəzi uğursuz nəticələrə görə, mətbuatda rəhbərliyin almaniyalı mütəxəssisə olan inamının azalması haqda müxtəlif xəbərlərin yayılmasına etiraz əksini tapıb. Onlar klubun sükanının etibarlı əllərdə olduğunu və sonadək baş məşqçiyə dəstək verəcəklərini bəyan ediblər.
