26 noyabr 2010 17:46
Tuyqun Nadirov: Nikolitanın qiyməti şişirdilib
Xəzər Lənkəran`ın qışda transfer etmək istədiyi futbolçuların siyahısı kifayət qədər genişdir. Azerisport.az xəbər verir ki, bu haqda klubunun vitse-prezidenti Tuyqun Nadirov Rumıniya mətbuatına açıqlamasında məlumat verib:
“Bizim xaricdən olduğu kimi, Azərbaycandan da heyətimizə qatmaq istədiyimiz uzun oyunçu siyahımız var. Banel Nikolitaya gəlincə, onun transfer qiyməti şişirdilib (rumınlar oyunçuya görə 3 milyon avro tələb edirlər - red.). Mirça Redinkə yaxşı komanda yaratmaq, ora sağlam ab-hava gətirmək müyəssər olub. Onun metodlarını mən dinamik adlandırardım. Onu hərtərəfli dəstəkləyən klub rəhbərliyi ilə gözəl münasibətləri var, deyə rumın KİV-i Nadirovdan sitat gətirib.
