29 noyabr 2010 12:58
Şahin Diniyev Terek`dən istefa verdi
Azərbaycan milli komandasının sabiq baş məşqçisi Şahin Diniyev Rusiyanın Terek klubunun məşqçisi postundan istefa verib. Azerisport.az xəbər verir ki, bu haqda Lent.az-a 44 yaşlı mütəxəssisin özü məlumat verib.
Onun sözlərinə görə, Çeçenistan paytaxtı Qroznını təmsil edən komandadan öz istəyi ilə ayrılıb. Diniyev ailə vəziyyətini səbəb göstərib: “Klub rəhbərliyi məni komandada saxlamaqda israrlı idi. Lakin özüm Bakıya qayıtmaq istədiyimi bildirdim. İki ilədək ailədən kənarda yaşamaq həqiqətən də çətin idi. Düzdür, peşəkarlıq baxımından bu, normal haldır. Amma onu da nəzərə almaq lazımdır ki, ömür qısadır. Ailənin qayğılarına da vaxt ayırmaq lazımdır”.
Hələlik heç bir klubdan təklif almadığını deyən həmyerlimiz bir müddət istirahət edəcəyini vurğulayıb.
Qeyd edək ki, Şahin Diniyev 2009-cu ildən Terek`də çalışırdı.
